Warning: "continue" targeting switch is equivalent to "break". Did you mean to use "continue 2"? in /var/www/grafikrdev.dk/inuit/wp-content/plugins/revslider/includes/operations.class.php on line 2734

Warning: "continue" targeting switch is equivalent to "break". Did you mean to use "continue 2"? in /var/www/grafikrdev.dk/inuit/wp-content/plugins/revslider/includes/operations.class.php on line 2738

Warning: "continue" targeting switch is equivalent to "break". Did you mean to use "continue 2"? in /var/www/grafikrdev.dk/inuit/wp-content/plugins/revslider/includes/output.class.php on line 3679
Inuit.org | Utqiagvimmit nalunaarut

Utqiagvimmit nalunaarut

Monday 23rd of July 2018

Monday 23rd of July 2018

ICC-p 2018-imi ataatsimeersuarnerani inerniliussat: Ukiuni sisamani tulliuttuni suliassat

 

Inuit Issittormiut Siunnersuisoqatigiivi (ICC) Kalaallit Nunaanniit, Chukotkamit, Alaskamit, Canadamiillu naggueqatigiiusunit peqataaffigineqartumit Juulip 16-ianiit 19-iat tikillugu Utqiagvimmi Alaskami Ataatsimeersuarput. Tassanilu qulequttat qulit assigiinngitsut ICC-mut ukiuni tulliuttuni suliassanngorlugit Utqiagvimmi nalunaarut ataatsimeersuarnermi suliarineqarpoq, tassanilu immikkoortut 58-t suliassatut aalajangiunneqarlutik.

 

Qulequttat qulit ataanni aalajangersakkat inassutillu 58-iupput, makku pineqarlutik:

 

  1. Nunarsuaq tamakkerlugu nunat inoqqaavisa pisinnaatitaaffii nunallu tamalaat akornanni peqatigiinnerit
  2. Inuussutissanik isumannaarinninneq
  3. Ilaqutariit inuusuttullu
  4. Peqqinneq aamma inuummarinneq
  5. Ilinniartitaaneq Oqaatsillu
  6. Nunat Inoqqaavisa Ilisimasaat
  7. Piujuartitsinermik tunngaveqartumik Uumasunik Nujuartanik Aqutsineq
  8. Avatangiisit
  9. Piujuartitsinissamik tunngaveqartumik ineriartorneq
  10. Attaveqaqatigiinneq piginnaanngorsarnerlu

 

Taakkunani qulequttani Kalaallit Nunatsinnut pingaarutillit ilagaat immikkoortoq 43 tassani annertusisamik Inuit Kalaallit Nunaata Canadallu akornanni angalasinnaanerisa periarfissinneqarnissaa. ICC aamma peqquneqarpoq Inuit namminneq aqutaannik aqutsisoqatigiinnik aamma Inuit Nunaanni avatangiisinik nalunaarsuinermik ingerlatsisussanik pilersitsissasoq. Tamannalu suliniut naggueqatigiit Inuit akornanni pilersorsinnaanissamut, aningaasarsiornikkut ineriartornermi kulturitsigullu pitsanngorsaanermik siunertaqassalluni.

 

Inuusuttut immikkuttaaq eqqaaneqarput, tassani Inuusuttut soqutigisaqaqatigiiffii ICC-ip suliaanut ilaanerulernissaat siunertaralugu kajumissarneqarnissaat, saniatigullu Naalagaaffiit Peqatigiit (FN) ataanni Nunarsuaq Tamakkerlugu Nunap Inoqqaavisa Inuusuttortaasa naapeqatigiiffianni inuusuttut pingaarutilittut peqataasarnerat pingaartillugu tapersersussagaa inanneqarluni.

 

ICC piginnaatinneqassaaq peqqissaartumik pisortatigoortumillu ilumoorussiffiusumik oqaloqateqarnerit aallartissagai Issittoq tamakkerlugu Nunarsuup Immikkoortuattut Eqqisseqatigiiffittut suaarutigineqarnissaa pillugu isumaqatigiinniarnikkut tunngaviliisinnaasumik tamatuma anguneqarsinnaanera siunertaralugu.

 

– “Utqiagvimmit Nalunaarutip nalilersorluarnissaa siunertaralugu ICC-p siulersuisortaavi ukiap ingerlanerani ataatsimiissapput, tassanilu suliassanik pingaarnersiuineq agguaassinissarlu pissalluni” Hjalmar Dahl ICC Kalaallit Nunaanni præsidenti paasissutissiivoq.

 

ICC-p siulersuisui ukiuni tulliuttuni sisamani atasussat nutaat tassaapput:

 

ICC-mi Siulittaasoq:

Dalee Sambo Dorough, Alaska

 

ICC Canada

Monica Ell-Kanayuk, Vice Chair aamma ICC Canadami præsidenti

Lisa Koperqualuk, Siulersuisuni ilaasortaq

 

ICC Alaska

Jimmy Stotts, Vice Chair aamma ICC Alaskami præsidenti

Vera Metcalf, Siulersuisuni ilaasortaq

 

ICC Grønland

Hjalmar Dahl, Vice Chair aamma ICC Kalaallit Nunaanni præsidenti

Nuka Kleemann, Siulersuisuni ilaasortaq

 

ICC Chukotka:

Liubov Taian, Vice Chair aamma ICC Chukotkami præsidenti

Elena Kaminskaya, Siulersuisuni ilaasortaq

 

Utqiagvimmi nalunaarut uani tamakkiisoq atuaruk:

 

Fakta:

ICC 1977-mi Utqiagvimmi siullermeerluni ataatsimeersuarpoq, taamaasillunilu ICC-ip ukiut 40-nngortorsiornerat aamma nalliuttorsiutigineqarluni. ICC-p 13-issaanik ataatsimeersuarnerani siulersuisut, qaaqqusat, alaatsinaatsut kulturikkut peqataasut allallu peqataasutut nalunaarsorneqartut 800-t sinneqartut ilaapput, Kalaallit Nunaanniillu inuit 73-t peqataapput. Ukiut sisamat qaangiuppata Kalaallit Nunaanni Ilulissani ataatsimeersuarneq ingerlanneqassasoq aamma nalunaarutigineqarpoq.

Subscribe to our newsletter